Pihnô K.Pari – Award daopa kyh liata eima lykhei hmeiseih

Government of India, Ministry of Women & Child Development pachhuahpanohpata Zila Mahila Samman award cha Pihnô K.Pari, Art &Culture Officer hnohta tari noh 17, Pami 2015 nohta Mawrâh Sawkha, Social Welfare Dept.Minister ta a hlâ. He award he India râh pôhpalôh District to tawhta pakha sai atly awpa achâ. Mawrah District tawh chhao ta District sacharie tawhta chanô pacharie ahmô thei awpa ama châ no ta Siaha District tawh ngâlâh ta hmôpa châ ta, cha tawh chhao ta mara chanô ta eima daopa he Khazohpa byhna achâ hmeiseih. Pihnô K.Pari, National Awardee achâpa he eimâ lykhei hmeiseih.

He Award he chanôzy hmahsiena nata thapatlôsana kyh liata chanô ahriapasapazy hnohta hlâ awpata Gov’t. of India,Ministry of Women & Child Development ta a pachhuapanohpa a châ.

Pihno-K-Pari

MCHP General Conference ei 9-na tari no 9-10, Pachawh 2015 pa Meisavaih liata hmâpa cha ta Pihnô K.Pari,Art & Culture Officer, MADC cha marapa chi nata pho hmasiena nata abohna châta rai ahria phana lymâ châta tari noh 9,pachawh 2015 nohta Palyupalihna Ryuchâ hlâpata Mara hno ama pasaisa. Eima lykhei ngâsâ.

Pihno-K-Pari-Picture

National Awardee Macha K.Pari cha Tipa khih kô zakha (Tipa Centinary) alyna programme hmâpa tari no 9-10, Pachawh, 2015 daihti liata Tipa khih tawhta mara chanô machâ tuachaipa nata Zila Mahila Samman Award hmô tuachaipa achâna hawhta alykheina ‘Special Award’ ama hlâ. MADC ta eimâ lykhei.

Pihnô K.Pari he Kô 2002 nata 2003 pa lia ta Moonlight award “Most popular women in Chhimtuipui District” lia chhao ta award avaw dao hapa a cha.

Marapasaw zy chhao eima palô vaw kaw ngai ta bata, alykheituhpa chhao ama hlu kaw. Ama O la chhao pangai pata alykheituhpa ama hlu kaw.

Comments

comments