MSO PUNE: MSO DAY ALYNA CHI KHA CHÂTA THISAI AMA PIE

MSO PUNE TA BLOOD DONATE

*(DMG)*Atanoh târi 4th Phiapi, 2016 heta Mara Students’ Organisation, Pune Branch zy ta MSO aduana tawhta a ei 51-na noh eima tlôpa alyna pamosana châta asaipa ta Pune Adventist Hospital, Pune liata thisaih piepa a châ.

Vahneichhih kawpata eima hry liata Mizo Students’ Union, Pune lâta chhihthatuh nata ama manôh thokha zy ta maniah vaw hlaokhei thei hra ei ta, eima zydua ta apuapakhy theipa he maluh 80 tlai pha pita, a pie theipa deikua manôh 35 ama châ.

Dawhty zy ta eima laihsa thokhazy hnohta, “pie thei va chi” ama tah tawh chhao hmahta MSO châta pie hr’awpa ama khoh tu vâta arulâ ta Rasgula kei nie pa ra ta, a pa check sa pathi ngakaw zy chhao y ei ta, ama chhuah hro hrona zy vâta ly a chhih hmeiseih. Manôh thokha pie hr’awpa ama khoh kaw nota kô tloh leina vâ zy, thisaih ama piena tawh a rei mah lei vâ zy, haemoglobin a hnai vâ nata weight liata ama tloh leina zy vâta a hluh via eima pie thei mah lei pa a châ.

“Chyhsa hrona pachh’aw pata Dawhty na châ cheingei pa byuh hlei vei, na thisaih hmâpa ta na chyhsaheihpazy hrona vaw pachha tyh hra ma y”

MSO tlahparei mawh sy!

“ABEIPA NATA EIMA RAH CHÂTA”

sd/-

T LAIPATHA
Secretary i/c. Information & Publicity
Mara Students’ Organisation
Branch: Pune

1-whatsapp-image-2016-11-04-at-10-23-52-pm

whatsapp-image-2016-11-04-at-10-13-10-pm

Source: LD. Beihrua (+918729916535) via Deiva Media Group (WhatsApp)

Comments

comments







Comment using above Facebook Comment Box.