IN PALAI TAWNNA NEIH TANNA

IN PALAI TAWNNA NEIH TANNA
– Rev. C.Thalai

Kum 1949 January thla a Iana Inkhawmpui hnuhnung berah khan Presbytery neih ni se, tih a ni a; Presbytery neihna tur pawh ‘Saikao Headquarters ah ni rawh se’ tih a ni a. Ahun atan March 15, 1949 chu ruat a ni a. Chairman hmasa ber chu Machâ Khikô (Solomona Pa)a ni. Ani hian ding chung ngawtin rorelna zawng zawng a kaihruai a ni.

Baptist Kohhran aiawha Palai rawn tel te chu Rev. Challiana Murray leh Tirhkoh Khuma te an ni a. Rev. Challianan rorelna leh dân awm zia te min hrilh a, a thusawina êng atangin ECM Kohhran ten hmasawnna tur tam tak kan nei tih a tilang hle a ni.

A hming awmzia

Presbytery tih hming Baptist Kohhran pawhin kum rei tak chhûng chu an lo hmang ve a. Kum 1960 atang chauh khan ‘Assembly’ tih a ni. ECM Kohhran pawh hian Kiasie Assembly 1961 atangin ‘Assembly’ tiin an lo hmang ve leh ta a. Hemi kum a Chairman chu T.Bilhranga a ni a. Baptist Kohhran atanga Palai rawn tel chu Rev.Dr.C.L.Hming a ni. Chairman chuan Pu C.L.Hminga chu hetiang hian zawhna a zâwt a, “Pastor Thalai-a hi Lunglei Serkawn khuaa Jubilee Bible Sikula zir a ni a, Aizawl Theological College ah Pastor Thalai-a hian a zir thei angem?” tiin a zawt a. Rev.Dr.C.L.Hminga chuan heti hian a chhang a, “Zoram Presbytery Kohhran hi Mizorama Kohhran lian ber a ni a, chuvangin, ECM Kohhran nena inzawmna neih a la ni lova. Chuvangin, Pastor C.Thalai-a hi Aizawl Theological College a zirtir turin ka duhsak che u a. Synod nena in hmel hriatna in neih chuan in Kohhran tan tangkaina a awm ka beisei pui che u a ni” tiin.

Synod nena in palaina chu 1964 atanga neih a ni.

Mizoram Presbyterian aiawha Palaia lo tel hmasa ber chu Upa Chalhnuna a ni a. Lawngtlai atangin ke ngatin a rawn kal a, lam a hlat deuh avangin Saikao khua a rawn thlen meuh chuan inkhawm dar a ri tawh a, chaw ei lovin a inkhawm nghal a, Synod report a pe a. Mipuiten ropui an ti hle a ni.

Pathian thu Sermon sawi tura sawm a ni leh a. A thuhril chu Matthaia 25: 14-15 chhûng thu atangin Talent Kawltir chanchin thu a sawi a. Mitin te hi kan phâk ang theuhvin Pathianin min hmang s ni tih thu a sawi a, “Chuvangin, kan chanvo theuhvah hian vui vaina tur a awm love” tiin a sawi a. Mipui thinlung a hneh hle mai!

Upa Chalhnuna hi Krista tan leh Kohhran tana a hun pum pui hmang mi a ni a; chuvangin, missionary te anmahni ram lama an kîr lehin, Missionary hmanrua leh mamawh zawng zawng te chu Upa Chalhnuna kutah an hlan lêt leh thin a. Hei vang hian, Upa Chalhnuna hi “Synod Pa” tia a hming an lo vuah ngam hial mi a ni.

Pathian thu in, “A ram leh a felna zawng hmasa ula, chutichuan heng zawng zawng hi a pêk belhchhah dawn che u a nia” Matthaia 6:33 thu ang hian Upa Chalhnuna hian Pathian a buaipui a, Pathian pawhin a buaipui bîk a ni.

A tu leh fate zingah pawh Missionary leh Pastor hna te thawk a, Foreign lam thlenga Pathian ram tana mi in pe chhûngkua an ni. Chumai bâkah a tu leh fate pawh Pathianin a chawimawi a, mi ropui leh ram tana malsâwmna vek an ni hial a ni.

An an ber chu Rebeki nuta ten Rebeki hnen a, “Kan farnu, nang chu sîng hlîra sâng tam tak nu lo ni la, (Genesis 24:60) an tih ang kha an ni , tih ve theih tur an ni.

“Lalpa ngilneihna erawh chu amah tihtute chungah chuan, chatuan ata chatuan thlengin a awm ang” Lal Pathianin a ti. (Sam 103: 17).

Comments

comments







Tags: , , , ,

Comment using above Facebook Comment Box.