A PALAINA (VYUHTUAPA) HNEI TUANA

A PALAINA (VYUHTUAPA) HNEI TUANA
– Rev. C.Thalai

Kô 1949 January Iana Pakhypi hnôhchaipa tawhta Presbytery hneipa châ sala, tahpa châ ta; Presbytery hnei n’awpa chhao cha ‘Saikao Headquarters liata châ mawh sy’ tahpa a châ. Adaihti March 15, 1949 a châ. Chairman hmiatua chaipa he Machâ Khikô (Sawlawmaw paw) a châ. Ryurei chhôh zydua cha, â dua sai ta â duahpa ta ryureina a chhihtha.
Baptist Awnanopa tawhta Vyuhtuapa (Palai) a khy penawh cha Rev. Challiana Murray nata Lyuchâpa (Tirhkoh) Khuma zy ama châ. Rev. Challiana ta ryureina nata phôh zydua maniah chho ta, a biereipa khaihna tawhta hmahsiena thata maniah a piepa ta pahnopa a châ.

Moh yzie

Presbytery tahpa he Baptist-nah chhaota kô reipi ama vaw tahpa a châ hra. Kô 1959 Lunglawn Presbytery keima Palai ta ei sie kô tawhta Assembly tah awpa tahpa a châ. Kô 1960 tawhta cha Assembly tahpa a châ. ECM chhaota Kiasie Assembly 1961 tawhta Assembly tahpa a châ hra. He kô liata Chairman cha T.Bilhranga a châ. Baptist tawhta Palai â khypa Rev.Dr.C.L.Hminga a châ. Chairman ta C.L.Hminga cha hiahrih ta, “Pastor Thalai he Lôlei Serkawn liata Jubilee Bible Skul liata achupa châ ta, Aizawl Theological College liata Pastor C.Thalai he âchu thei aw ma?” tahpa ta hiahrih ta, Rev.Dr. C.L. Hminga ta he hawhta a rei, “Zoram Presbytery Awnanopa he Mawrâh liata Awnanopa laichaipa châ ei ta, Chavâta, ECM Awnanopa nata azaona hneileipa ei chi ta. Chavâta, Pastor C.Thalai he Aizawl Theological College liata nama pachusa awpa he ei cha khokhei ei. Synod nahta hmia pahnona nama hnei khiahta cha nama Awnanopa châta phahnaina a y –na ta ei cha khokhei ei,” tahpa ta.

Synod nahta apalaina 1964 tawhta hneipa a châ.
Mizoram Presbyterian tawhta vyuhtuapa Palai â khy tuachaipa cha Upa Chalhnuna a châ. Lytai tawhta a phei ta kaw sie ta, khih â hla kawpa vâta Saikao khih a kaw tlôna ta apakhyna dawh a paropa vâta pati chhao nie leipa ta apakhy ta, Synod report a pie. Zawpi ta arônah ama tah ngâsâ.

Khazohpa bie Sermon reih awpa ta hrua heih ei ta. A biereipa cha Mathai 25: 14-15 chhôh liata Talent pavaosapa thâtih reih ta. Keimo nahta eimâ phuna chyu ta Khazohpa ta maniah a hmâpa a châna zie reih ta, “Chavâta, eima tovyuh chyu liata nô-u rei n’awpa y vei” tahpa a rei. Zawpi palôh a pahnie kaw!
Machâ Chalhnuna he Krista châta nata Awnanopa châta a daihti a hmâhpa châ ta; chavâta, Missionary-nahzy ama râh lâ amâ lie no ta, Missionary chhaichhi nata hmobaoh zydua cha Machâ Chalhnuna ku liata ama hlâ khai hapa a châ. He vâna heta, Machâ Chalhnuna he “Synod Pa” tahpa ta a moh ama vaw bipâ ngâkawpa a châ.

Khazohpa bie ta, “A khihnah râh nata a siana tlua tua teh u,n chatana chata he zydua he a cha baichha ei.” Mathai 6:33 bie hawhta. Machâ Chalhnuna cha Khazohpa abuakheipa ta a buakhei hrapa a châ.

A saw nata a samohpa zydua cha Missionary ta Foreign lâzy taihta Krista khihnah râh châta apiepazy ama châ. Cha leipa chhaota a tu nata a saw hropazy chhao Khazohpa ta palyupalih ei ta, chyhsa rônahpa nata râh châta byhnâ a châpa sai ama châpa a châ.

Ama lyu kawpa cha Rebeka rilâhpenawhzy ta Rebeka hnohta, “Eima sietanô, nâ he chyhsa hluhpi nô vaw châ la” ama tahpa hawhna khata ama châ hra, tah thei awpa ama châ (Genesis 24:60)
“Abeipa zawngiahna cha ano a chituhpazy chô liana chata chhâzaw tawhta chhâzaw taihta a y aw” Abeipa Khazohpa ta a ta. (Sam 103:17).

Comments

comments







Tags: , , ,

Comment using above Facebook Comment Box.