Posted by Amon Khaimeichhô & SBC Vabeihalai Nôhro

Abortion he keimo marâh reih ta cha, nawhparaona/sawpathlana tapi sala ado chai aw. Atahma Khizaw asie ngâ haipa lia he ta, he hawpa hmo he âlâlua / hlukawpa châ ta, khizaw râh nano nano pa lia chhaota he hawpa hmo he chyhsa zy â eina (Debate) chai tyhpa a châ. Eima râh cheingei pa lia chhaona heta âlâlua/hlukawpa vaw châ ha bâh hrata, chanô chapaw châna kyh (sex) lâchhâ liata asosi theileina / atai oh theileina za hnei pita, Sawphao / Nawhnei, dyhno / dyhpaw ( Nuthlawi/Pathlawi) cha khoh hlei tlô pi va, hro zie / nôchâ chhie kawp ta saw vaw pi awpa thie / pahleipahlô achhua khona hlupi eima vaw y ha bâ.

Nô pyh chhôlia ta hawti (fetus) pahlei / thie leipa ta cha sawpathla / nawhparaona (Abortion) atao thei tlô leipa ta. Hawti pahlei padia / thiepa cha liany cheipa achâ ma? Khati taw tlai kha ma fetus kha chyhsa avaw châ? Thlapa a hnei ma? Sawpathla / Nawhparaona (Abortion) chôchâh liata Biehrai bie peimawh viapa zy cha:- Sam 139: 13-15; Job 3: 11; Jer. 1: 5; Lk. 1: 39-44 zy cha ei ta. Exod. 21: 22-25 chhao he achupasia awpa abyuh hra.

Luka 1: 39-44 he Mari nata Elizabeth zy, chôla tawhta thlapapathaipa ta saw pahneisana / paphaosana aty rairiena thâti châ ta, Elizabeth ta Mari samaw (Chibai) ahlâpa apahno pataw na ta apyh chhô liata hawsai cha a tie / pie ta, thlapa pathaipa ta bie ha ta “Pyh chhô liata hawsaipa tlai cha ta thei rimâ awpa châ vei” Awnanopa ta la Sawpathla / Nawhparaona (Abortion) he pachâh peimawh (Serious) kaw ei ta, a lei theileipa hmo vâta, hawsai nô hrona châta chi achhi awpa achâ lei khiata cha Nawhparaona / Sawpathlana (Abortion) he aryh ta vei. Kheita e eima pachâ hra tly?

Note: He châropa (Article) he Mizo Theological Forum Website tawhta palie (translate) pa a châ.