MSO (Hyd) TA MARARÂH LIATA THÂTIHPHA ATLÔNA NOH RÔHNA KAWPA TA Â HMÂH

Hyderabad, 26th August, 2010 : MSO (Hyd) ta Mararâh liata thâtihpha atlôna noh rôhna kawp ta a hmâh. He he kô 103-na a châ ha bâ. MSO (Hyd) sahlaozy ama pua pha ngaita kaw. Daihti ahmâna he ei-no lâta pachhaihpa châ ta, a ei-khana he service hawhta siekheipa a châ. A ei-nona liata deikua Paper Present nata Debate zy hneipa a châ. He ahmâna he Hyderabad Study Circle, Domalguda liata hneipa châ ta, zâlâ daw 3:00 pm ta pathaopa châ ta azo daw 8:00pm ta pachhâpa a châ.

Apakhyna he St. V.Hrualai ta chhihtha ta, Ls. Magdalyn Hlychho ta pathaona daihti a hmâh. Puhpa Derick Salai Solo ta Khazohpa bie achâkheina hnei ta, Khazohpa ta Marasawzy phopi ta maniah padua awpa a chhuah ta, eima Missionary zy chhaota Mararâh kha “Lakherland”, “Lakher Country” tahpa ta a moh ama bi, a tah. Eima Missionary zy raihria phanaziezy rei ta, Khazohpa ta amo siepahliepa ta Marasawzy byhnâ thata maniah vao, tahpa ta a rei hra. Amo ta Marasawzy chhâzaw hrona lâthlôh maniah chho ei ta, Mara literature/Alphabet nata Education maniah pathaopatô va ei ta, khizaw ryureina District Council eima hmôna chhâ chhao he ama hmahlana ta lei thei mapi, a tah. Marasawzy hry liata apôhkhana chi chhao ama tu tahpa ta a reih.

First session a chhâ na ta, St. Malsawmdawngliana ta MSO (Hyd) T.Shirt release-na hnei ta, sahlaozy ama thapawh kaw sai. T.Shirt mâ he Rs. 180 a châ. T.Shirt release nata zua khaipa a châ tawhta refreshment hneipa châ ta, viachhâ nata cold drinks pahâh kawpa zy niepa a châ. Sahlaozy ama lôhhra a tlô ngâsâ.

Second session cha Ls. Steffi C.Beingiachhiezi ta chhihtha ta, Abeipa lia apavaosana nata hlasana hnei khai tawhta St. K. Malsawmdawngliana cha Paper Present awpa ta a hrua. A biepipa châta a hmâpa cha “ Kô zakha Mara krizyhpazy lâthlôh” tahpa a châ. St. Delson Notlia, President, chhaota Paper Present hnei hra ta, biepipa châta a hmâpa cha “ Missionary zy hmahlana nata Mararâh châta ama pienazie” tahpa a châ. Ama Paper Present zy he pha kaw ta, reipahmaonazy hneipa châ ta, sahlaozy ta ama thôhkhei kaw sai. Debate chhao hneipa châ ta, a biepipa cha “Mawrâh khô lâta châ a chu awpa ta eima sie he a pha / pha vei” tahpa a châ. Debators zy ama thai tlôlô kaw sai. Best Debator châta Ls. Florence P. Ngiarili atlyhpa a châ. Daihti âcha-ie kawpa naihta Quiz deikua hnei hmâ khao leipa a châ.

St. Nelson Hlychho nata Ls. Evelyn Iris zy ta hlasana (solo) ta sahlaozy ama palôhhaw ngâsâ. St. V. Malsawmdawngliana ta MADC tawhta baona cha MSO (Hyd) President hnohta a hlâ. Daihti chhâna lâ liata lymâ raina hneipa châ ta, St. Nelson Hlychho cha MSO (Hyd) program lia maihta sahlaozy hlasana ta a palôhpahaw tyhpa naihta Special Award piepa a châ hra. Hall ahlâna mâ he St. Syuhlo Beichâkhei Mara ta a sponsor. Lymâ zy he Puhpa Derick Salai Solo nata St. Delson Notlia zy ta ama sponsor hra. Thyutlia Ao chhao papuapa a châ heih , thla kha liata ei-kha papua tyhpa a châ hleikhôta noh peimawh nohta papuapa a châ tyh hra. Mararâh liata thâtihpha atlôna noh he MSO (Hyd) zy cha ama hmâh pha ngaita.

Best Debator Laihsa Florence P Ngiarili

Puhpa Derick Salai Solo Biereina a hnei nga nopa

Laihsa Evelyn Iris a solo nopa

Laihsa Magdalyn Hlychho Pathaotuhpa

Laihsa Steffi C Beingiachhiezi ta 2nd session a chhihtha

Malsawmdawngliana Khithie Paper present a hnei

Satlia na

Sr Advisor nata Laihsa zy

St K. Malsawmdawngliana ta MSO (Hyd) T-shirt a release

St V Hrualai chhihtha nopa

St. Delson Notlia ta paper a present

St. Nelson Hlychho a solo nopa

Zawpi hlasana – St V Lykhei ta hla a chhihtha.