Bangalore, Monday, July 19, 2010: Bangalore Mara Students’ Organisation (BMSO) Executive Committee bie pathlu pa hawhta Saturday, August 14, 2010 nohta Freshers’ Social hnei awpa a cha. Chief Guest chata Dr.K.Beichhua (Pawchhua) hrua awpa ta pathlu pa a cha. Zahhnia July 18 BMSO Committee bie pathlu pa hawhta Bangalore Khih chho liata Marasaw achuhaipa member zy hlu kawba pita chahnaita BMSO Activity a thatlo via thei nawpa pacha pata Group (Area) satho lata pachhai pa cha ta he ary liata palasapa zy hawhta a cha.
1. Hlichhy Group/Area : Shanthi Nagar area liata a ypa zydua apahly khai aw.
2. Dotha Group/Area : Wilson Garden, Lakkasandra, Jayanagar, Adugodi nata Koramangala
3. Laila Group/Area : Hennur Cross nata chheipah.
He Group/Area pachhai pa he BMSO Annual Sports cha ngala chalei pata Fundraise ky lia zy, activity akhei hawpa rai a thatlo via thei nawpa pacha pata group satho lata pachhai pa a cha.
Bangalore MSO Annual Sports 2010 cha October thlah liata hnei awpa ta pathlu pa a cha.
General Secretary St Franky Ngiachai Azyu nata Assistant Secretary Ls.Merina K Beinopha Bangalore lia ama y khao leipa vata he hawhta Post ruapa pananopa a cha.
1. Vice President : St. Beipalaikhei Lapi (Lailai)
2. General Secretary : St. Andrew
3. Assistant Secretary : Ls. A. Elsie Dilisia (Hnaino)
