Skip to main content



Mizo Sermon Thar - Mission Rawngbawlna Pawimawhzia

Rev. C.Thalai

Lal Isua thupek pawimawh ber chu khawvela chanchintha hril hi a ni. “Khawvel zawng zawngah kal ula, thilsiam zawng zawng hnenah chanchintha hi hril rawh u” tih hi Apostol hote hnenah chauh a pe lova, keini pawh chanchintha nunna thu hril ve turin he thuneihna hi pek kan ni ve tih hi I hria ang u.

Chanchintha hril a pawimawhzia

Lal Isua vana a lawn lai khan hetiang hian thu ropui tak a sawi a, “Thlarau Thianghlim chu in chunga a lo thlen hunah thiltihtheihna in la nei ang. Jerusalemah te, Judai leh Samari ram khawtinah te, kawlkil thleng pawhin ka thu hretute in ni ang”. (Tirh.1:8) tiin.

Jerusalem atanga chanchintha hril tura thu a pek na chhan chu Jerusalem chu; Pathian chênna hmun ber a nih avang a ni a. Chhungkua hi a bul tanna hmun a ni bawk. Chuvangin chhungkua atanga tan hmasak tur a ni tih a entir a ni.

Bible atangin kan ngaithla hmasa ang, Isua chuan mipuite a hmuhin a lainat êm êm a, vêngtu neilo beramte anga hrehawm  leh darha an awm avangin a khawngaih ta êm êm a. Tichuan, a zirtirte hnenah chuan “Buh seng tur a tam hle si a, nimahsela a thawktute an tlêm; chutichuan a buh seng tura thawktu tur te tir turin buh neitupa hnenah chuan ngên rawh u” min ti a. (Matt.9:36-38).

Missionaryte leh Pastorte hriattur

Rev. Liangkhaian hetiang hian a sawi a, “Pathian kohna aw hre lova rawngbawl chuan hrehawm leh harsatna an tawhin an bei a dawng a, chuvangin an rawngbawlna a chak tur angin a chak theilo, Pathian kohna aw hre tak tak tu te erawh chu harsatna leh hrehawmna an tawh leh sawichhiat leh elrelna an tawh pawhin, rawngbawlna hna chu hna zawng zawnga hna ropui ber a ni an ti a ni,” tiin a sawi.

Richard Wumbranda, Romania rama missionary ropui chu lei hnuai ft.36 a thûka kum 14 an tântîr chuan hetiang hian a sawi, “Ka ring” “rawng ka bawl” in ti si a, hrehawmna leh harsatna, thlemna tawklo chu mi vanduai leh mi khawngaihthlak ber in ni,” tih thu ropui tak a sawi.
Hrehawm leh harsatna tuar tam apiang hi missionary ropui an ni zel thin. India rama missionary pahnih (2) te chu tuifinriatah hetiang hian an tawngtai a, “Lalpa, India ram miten nangmah an chawimawi theihna tur a nih dawn chuan tuifinriat vau kamah hian meiin min hâl hlum mai rawh se,” tiin. An nunna zawng zawng an hlân vek tihna a ni. He mite pahnih ang hian missionary zawng zawngte hi in hlan vek thei sela chuan Pathian ram chu engti takin zau thei ang  maw?!!

Mission rawngbawlna hi muang thei a ni lo.
Tunah Bible atangin kan ngaithla ang. “Thi tura hruaite chu chhanchhuak la, thah mai tur te chu chhanchhuak thuai rawh. Ngai teh, hei chu ka hrelo I tih mai chuan, thinlung bûktu chuan a ngaihtuah dawn lawm ni?” tiin Bible in min hrilh. (Thufingte 24:11, 12).
“Thi tura hruai” tih hian ngaihtuahna thui tak min neih tir a. Hetiang hian han sawi ta ila; kan hriat theuh angin Burma ram lam atangin India ramah ran- bawng te, sial te, lawi te an rawn zuar thin a, kawnga an in zui zel lai chuan an ei tur hnim te an pe zel a, an hlim êm êm a, amaherawhchu India ram an rawn thlen chuan an talh a, an sa te chu bazarah an kg leh mai thin a ni.
Chutiang bawk chuan kan thalaite chu zu leh ruihtheih thilte Setanan a tih tir a, zu te an in a, ruihtheih thilte an tih lai chuan an hlim ve hle thin a, mahse an hlimna chu reilote chauh a ni a, a daih reilo. Setanan chatuan thihna meidil lamah, ama hnena awm turin thalai sâng tam tak a hruai mêk a, chhanchhuah an ngai hle a ni.
Hla siamtu chuan a lo hmu chiang khawp mai a. I thawh loh avangin tam tak an boral, dâk chhuak la en vel teh tlanna hrelote hi. “Buh seng tur a tam hle a, a thawktute an tlêm” tih ziak ang khan chanchintha hril hi a pawimawh êm êm a, muang lovin I thawk  ang u.
Tunah Bible thu kan ngaithla leh ang.”Chatuan nunna neih tirna khawp kan Lalpa Isua Krista khawngaihna chu nghâk chungin Pathian hmangaihnaah chuan in vawng tha rawh u, thenkhat ringhlela awmte chu khawngaih rawh u, thenkhat mei ata la chhuak thuai ula, chhandam rawh u”. (Juda 22-23).
Meiin in a kan leh khaw kâng hi ka hmu tam tawh a, rin ai leh ngaih aiin a râpthlâk zawk daih a ni. In a kâng tih kan hriat veleh thlipui angin min nuai a, in kâng chu a muang châng ngai lova, a rang thei ang berin a chhuak thin a ni. In a kan laia kan rilrua kan duh ber chu inhumhimna hi a ni.
Chutiang bawk chuan Juda lehkhathawn hi tawi hle mah sela a pawimawh êm êm a. Chang 1-25 thleng hian han chhiar ila, ka sawi leh ka ziak ai hian a tangkai zawk ang tih chiang takin ka sawi ngam. I hun hlu kalsanin lo chhiar hrâm teh, tiin ka ngên a che.
Buh seng a hun ta.
Ngai teh u, ka hrilh a che u, dâk ulang lote en rawh u, tun apangin seng turin a êng a ni” (Joh.4:35). “Tin, ka han en a, tin, ngai teh chhûm vâr ka hmu a; tin, chumi chungah chuan mihring fapa ang tak hi rangkachak lallukhum khum a favah hriam tak kenga thu ka hmu bawk a, tin, Vantirhkoh dang, Pathian biak in atangin alo chhuak a, chhûm chunga thu hnenah chuan aw ring takin, “I favah kha phawrh la ât rawh, ah a hun tawh si a; lei buh khu a ngui tawh khu” a ti a. (Thupuan 14:14-15).
Hla siamtu hian thlarau atangin alo hmu chiang khawp mai.
“Ngai rawh Lalpa in a grep huanah,
 Rah seng turin min ko;
Lo buh sengtute an tlêm vangin
Buhte an ngui zo ta.
            Lalpa hmingin lâwmin kal chhuak la,
            Ngilnei leh zaidamin.
            Chhandamna thlâwnpek lâwmawm tak chu
            Khawvela puang turin.
Thawk thuai la, nite an kiam mêk e
An êng a reh thuai ang
Hun khirh tak chu alo thleng mêk e
Kan thawk thei tawh lovang.

Missionary te hi fak tlâk an ni.
Phai ram, ni satna hmun leh zo thlifim awmlohna hmun, boruak ûp churh hmuna an awm thei mai te hi han ngaihtuah teh, missionary te hi fak tlâk an ni. Ni a sat luat avangin malaria te a tam a, an nunna pawhin a tawi phah hial thin.
Tunah chuan missionary sikul chanchin kan sawi ang.
Tunlai khawvela intlansiakna ber chu zirna hi a ni. Kan faten lekha an thiam theih nan sikul tha leh boardingah te kan in dah zel a. Lehkha an thiam theih nan leh saptawng(English),hi khawvela tawng lâr ber a nih avangin saptawng thiam tir hi kan tum ber a ni a.
Missionary te sikul erawh hi chu a danglam hle a ni. Khawvela zirna sâng ber chu University a ni a, missionary te zirna sikul erawh chu Isua Krista hrelote leh chi leh hnam a lang phalo, thlalêr ram rova chêngte tawng an zir a,hla bute, Bible te, an tawngin an siam sak a, hei hi missionary te rawngbawlna danglamna leh ropuina chu a ni. An sikul chu Kalvari sikul a nih avangin Vân nen an inzawm a. Lei mihring ni mahsela Vân ramah chuan a lian ber an la ni ang a, an la ropui ber ang. Thlarau bo te Isua ke bula hruaitute chu Vâna arsi angin chatuanin an êng reng ang (Dan 12:3). Haleluiah! Lalpa kan Pathian chu chatuanin fakin awm rawh se. AMEN.
Tunlai khawvel thil awmzia.
Bible thu alo thleng mêk. “Chumi hunah chuan hrehawm tuar turin an man tir ang che u a, an tihlum ang che u” tiin Lal Isuan a lo sawi lâwk tawh a (Matt 24:9). Kan hriat theuh angin tunlai hunah khawvel hmun tam takah Kohhran tihduhdahna a pung zel a. Missionary pakhat lehkhabu ziak ka han chhiar a, “Bazara thil lei tura chhuah te hi a va huphurhawm awm em! Engtikah nge bomb-in min paih khum ang? tih ngaihtuahin ka thlamuang theilo”, tiin a ziak a ni.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  
Tunah hian khawvel hmun tam takah kristian tihduhdahna a nasa hle a, an damchhunga lungina tâng te, an ruh khandaiha an sah te, an inkhawmna ina bomb an tihpuah khum te, chu chauh pawh a nilo, tunah hian martarte thisen a luang mêk a ni.
Lalpa rangkachak buh phalte an ngui zawh hma hian mission rawngbawlna hi thahnemngai lehzualin I thawk ang u. Kan thupui tanpuitu atan hla pakhat lo tarlang ila-
Kristian tho r’u mu rei suh u
Tap kan chawlhsan dawn em ni?
Lalpan thu min pêk lai hian
Kan thu mai mai dawn em ni?
            Kal la, thawk rawh, thawk tan rawh
            Kal la, zawng la hloh tawh te,
            Sual thim hrehawm zing ata
            Ruai theh turin han hruai rawh
Amah kan ring takzet em?
A thutiam kan awih angem?
Kan engkim kan pe phal em?
Rin hi thiltihah lang se

Mission rawngbawlna pawimawhzia tih thupui hmanga tlinglo taka ka ziak hi, ka ziak aia tha zawkin a chhiartu zawng zawngte Lalpan malsawm rawh se. AMEN.


Comments










Popular posts from this blog

NIOS D.El.Ed Untrained Teacher online Registration chata Documents peimawpazy

Diploma in Elementary Education (D.El.Ed) programme is a specifically designed package for inservice untrained teachers working in primary / upper primary schools of different states of the country.

For Teacher Registration
Untrained In-Service Teacher will do the Registration.
Welcome to NIOS D.El.Ed System - Teacher Login
This section is for Teacher Only.

Mobile No. :       

Email :

Email Password :

Name of Teacher :

Father’s Name :

Mother’s Name :

Please upload Photograph with Signature :

Address:

Aadhaar no. :

DOB :

Optional Teaching : Other, Science.

School UDISE Code :

Name of school :

Type of School : Government School / Government Aided School / Unaided Private School.

Year of passing X :

Percentage Class XII :

Year of passing XII :

Are you a Graduate ?  : Yes / No

Date of Appointment :


-----------------------------------------------------


Verification by the Principal

Principal will verify the details.

Welcome to NIOS D.El.Ed System - School Register

Please enter your Schoo…

ABeipa châta chyhsa rônahpazy thâtih

Rev. C. Thalai

Spurgeon zy, D.L. Moody zy, Billy Graham zy he ama hawsaih no tawhta ama nô nawhzy ta Khazohpa bie, thlahpa lâ sâhpiti ama vaw mohôhpa nata palaiseihsapazy ama châ. Chavâta Khazohpa bie cha ama thlahpa pati châta ama vaw nie hawpa a châ. Atahmâ Bible bie tawhta eima nahthlie tua aw. “Hawsaih a pih thiehpazy hawhta Thlahpa lâ sâhpiti, khâpa hmah ahlao leipa cha vâ teh u, chaliana chata pachhana tlohna taihta nama laiseih thei n’awpa ta” ( 1 Pity 2:2) he bie he ama thisaih liata ama vaw laiseihkhei hawpa a châ             D.L. Moody cha my chareih ta dawh 4 ta thyu ta, dawh 1 chhôh Bible rei n’awpa ta a daihti a hmâh tua chai tyh tahpa a châ. Spurgeon cha Bible ei 100 a reih papuapa châ ta, ei zakha a reih papuapa cha, “A thiehpa hawh sai ta ei nie tyh” tahpa ta a reih. Richard Wurmbrand ta he hawhta bie rônah ngaitapa a reih hra. “Krizyhpa châ na ta, chakaotuhpa chhao châ na ta atah tlôh ta, rietheina, rairuna atyh beih leipa chyhsa cha chyhsa vâdua chaipa nata ngiachhi a…

Mizo Sermon Thar - KHAWVELAH KRISTIAN CHHUNGKUA A PAWIMAWH

(Thufingte 24:11,12)
Thi tura hruaite chu chhan la, thah mai turte chu chhan chhuak thuai rawh.
Rev.C.Thalai __________________________________________________________________
Tunlai khawvelin a buaipui ber chu Zu leh ruihtheih (drugs) hmangin Setana a alo inrawlh a, chuvangin thalai sâng tam tak nitin leh thla tin thihna thlân khûr lamah an liam zo tawh a. Khawvelah an lo kîr leh thei tawh lovang. Tunlai hun hi hmanlaia Aigupta rama fa tir lalthuthlenga thu Pharoa fa tir atanga bawihnu fa tir thlenga an thi (Exodus 11:5-6), ang mai khan tunlaiah chhungkuaah fa u ber atanga fa naupang ber thlengin anmahni duhzawngin an awm vek tawh a. Chuvangin chhungkaw tam tak chu lungngaihna chhûmpui thimin a khuh mek a nih hi. Tunah Bible thu i lo ngaithla ang. "Kan tukverhahte thihna lâwn lûtin, kan lal inahte a lût tawh si a; Pâwn atangin naupang tibo tur leh, khawlai ata tlangvâl tibo turin."(Jer.9:27) ti a zawlnei Jeremian a lo sawi kha tunah hian a lo thleng ta a nih hi. Zu leh ruitheih av…