Skip to main content



Mizo Sermon Thar - KHAWVELAH KRISTIAN CHHUNGKUA A PAWIMAWH

(Thufingte 24:11,12)

Thi tura hruaite chu chhan la, thah mai turte chu chhan chhuak thuai rawh.

Rev.C.Thalai
__________________________________________________________________

Tunlai khawvelin a buaipui ber chu Zu leh ruihtheih (drugs) hmangin Setana a alo inrawlh a, chuvangin thalai sâng tam tak nitin leh thla tin thihna thlân khûr lamah an liam zo tawh a. Khawvelah an lo kîr leh thei tawh lovang.
Tunlai hun hi hmanlaia Aigupta rama fa tir lalthuthlenga thu Pharoa fa tir atanga bawihnu fa tir thlenga an thi (Exodus 11:5-6), ang mai khan tunlaiah chhungkuaah fa u ber atanga fa naupang ber thlengin anmahni duhzawngin an awm vek tawh a. Chuvangin chhungkaw tam tak chu lungngaihna chhûmpui thimin a khuh mek a nih hi.
Tunah Bible thu i lo ngaithla ang. "Kan tukverhahte thihna lâwn lûtin, kan lal inahte a lût tawh si a; Pâwn atangin naupang tibo tur leh, khawlai ata tlangvâl tibo turin."(Jer.9:27) ti a zawlnei Jeremian a lo sawi kha tunah hian a lo thleng ta a nih hi.
Zu leh ruitheih avangin kan khawpui ropui kan chhuan êm êm thin khawpui chu lungngaihna khawpui a lo ni ta.
Tunah Bible atanga sâwmna aw lo ngaithla ila. "Mipuia khat thin khawpui kha khawhara a thut tâk chu! Hnamte zînga ropui thin kha, hmeithai ang a lo ni ta a! Zânah lungchhe vânkaiin a tap a, a biangah mittui a luang e..(Jeremia Tah hla 1:1,2) tia zawlnei Jeremian Jerusalem khawpui alo au a ni.
Chutiang bawkin kan khawpui mihring tamna hmun apiangah thihna a tam deuh deuh a. Chung mite zingah thalai an thi tam ber a. An khawngaihthlak hle a ni. Bible kan sâwm leh ang. Mitthi ruangte chu khawlaiah ui angin an tlu a, buhsengtu in buh phal a theihnghilh angin tumahin an huihkhawm leh tawh lovang, Lalpan a ti." Kan khawngaihthlak takzet a ni.

 Chhungkaw pawimawhzia.
            Kristian chhungkaw pawimawh zia hi lei leh kâ chuan kan ngaipawimawh a, nimahsela chhungkua erawh kan ngaihsak lêm lo. Milian thiltihtheihna nei hnenah chuan kan khawsakna tur kawngah kan dawh thei mai a, kan chhungkuaa Pathian biakna tur kawngah erawh chuan kan buai leh lutuk lawi thin si a. Chuvangin chhûng inkhawmna kan nei thei thin lovani tih mai hian thiam kan chang dawn nge chang dawn lo?
Korean film te en tur chuan a chhun zanin, nula leh tlangval, naupang leh tar, a hmei a pa in an en ning theilo va. Lalpa kan Pathian kan nunna vawngtu aiin kan duh zâwk tihna a ni.

 Hun hlutzia
Hun hlu ber chu chhungkaw kim a lên dunna hun hi a ni. Amaherawhchu chhungkaw kim a kan awmlai hian kan hlut tur angin kan hlut lova, thihni a lo thlen hian kan in hlut a, kan tap a, an thiltih that te kan sawi a, an thlalakte mipui hmuh theih turin kan târ chhuak a,nimahsela a tangkai tawh lo.
Hun hi tui luang anga kir leh thei tawh lo ang a ni a. Chuvangin tun atang hi chuan kan Policy kan tihdanglam a pawimawh tawh ang. Kan dam chhung hian in chawimawi ila, tawngkam tha takin in bia ila; chhungkuaah chanchintha thu te sawi ho ila,thihna alo thlen pawhin kan inchhîr lovang.

Chhungkaw hun hlutzia
Evangelist ropui tak Billy Graham chuan heti hian a sawi a, " Hun liam ta te kha hman that leh theih ni ta se, ka chhungkua ah ka hmang tam zâwk ang, "tiin a sawi. Chhungkua hi a pawimawh takzet a ni tih a tilang hle.

Hun hre turin Pathianin min duh.
"Miin ama hun pawh a inhre si lo, sangha lên hlauhawm a man leh, sava, thanga  âwk ang maiin; mihring fate pawh an chunga lo thleng phutin hun tha lovah an âwk thin a ni." (Thuhriltu 9:12).

Rilru Ngaihtuahna Pathianin hriat a phal lo.
Rilru tha hi mita kan hmuh theih ang hian hmu vek thei ila a buaithlâk hle ta ve ang. Nupui pasal inkarah pawh inremna a awm thei awm lo ve. Thawhpuite leh thenrual leh thenawmte inkarah pawh inremna a awm thei lovang. Rilru ngaihtuahna kan hmu theilo hi engkim tithei Pathian hmangaihna avang a ni. Chuvangin kan Lalpa Pathian hnenah lawmthu i sawi ang u.

 HRIATTUR PAWIMAWHTE
Lung in (Jail) tângte chanchin zir mite report ah chuan, " Lung ina tang te hi chhung inkhawm nei ngailo mite an ni." tiin an sawi. Chuvangin chhungkaw inkhawmna hi ngaihtuah a, ngaihsak lehzual a pawimawh hle. A pawimawh zia chu Bible hian chiang takin min hrilh tawh a. "Naupang chu a kal na âwm kawngah chuan zirtir ula, a puitlin thlengin a thlah lovang." (Thuf.22:6). Hun pawimawh ber chu naupan hun lai hi a ni.

Ennawm
Khawvelah hian Sports chi hrang hrang en tur tha tak tak tam tak a awm a, chumi en tur chuan mipui an tam em em thin. A sûr a sa hnuaiah pawh an dawhthei hle a ni.
Chutiang a nih laiin chhungkaw inkhawmna chu darkâr tina neih a ngai lova,minute nga (5) pawh tlinglo inkhâwmna hun nei thei ta lo hi, Lalpa tawtawrawt hnuhnung ber alo rîk hunah chuan Salem Lalpa hmaa inlan vek tur a ni si a,kan dam chhunga Isua engmahlova kan ngaih kha a nihna kan hmu chiang ang a, hlau leh thlabâr in kan la khûr ang.

Hla siamtu hian a hmufiah hle-
Ngai teh a lo kal leh dawn e
Ropui takin van chhum chungah
Kan Lal Immanuelan
Khawvel ro a rel ang
            Chi tin,hnam tin Lalthutphah hma ah chuan
            Chanchin sawiin an pung khawm a;
            Salem Lalpa hma ngeiah chuan
            Engnge ka sawi ve ang.
a lo ti ta a nih chu.

Chhungkuaa nu leh pa mawhphurhna pawimawhzia.
Deuteronomy 6: 4-9. He thu chhunga mi hi "Pathian thupek ropui" tih a ni. "In fate thahnemngai takin in zirtir ang a, in ina in thut lai te,kawnga in kal lai te,in mut lai te, in thawh hun te in in sawi thin tur a ni. Tin, chhinchhiahna atan in kutah in hrêng ang a, in mit leh mit inkâra chal hrenna atan in hmang bawk tur a ni. Tin, in kawngka biangah leh in kawngkhar lu chungah  te in ziak tur a ni.
Hmanlai Israel fate chuan nu leh paten thanhnemngai taka an fate an zirtir chung pawhin, an thlahte chuan milim an be mai a.

 Thu tiamna
Pastor hmaa fa kan hlanin, "Naupang chu a kalna âwm kawngah chuan zirtir ula, a puitlin thlengin a thlah lovang." (Thuf.22:6) tih Thu hi kan tiam a, nimahsela kan zirtir leh si lo. Chuvangin fate leh tu te chu zu leh ruihtheih thil ruamah an lût ta vek mai a ni!
A chhan chu nu leh pa inchhunga Bible chhiar ngailo leh tawngtai ngailo leh zu leh ruihtheih thil ti thin te, pawisa khel rengte, T.V en a hun hmang mai thin te hi an khawngaihthlak hle. Tun atang chuan fanau hlu tak te Pathian thil thlâwn pek min kawl tir te hi Lalpa lamah hruai khawm i tum theuh ang u.

Chhungkaw thlarau lainatna                          
                                                                                   
I Timothy 5:8. "Nimahsela tupawh mahni chhungkhat lainate ngaihsak lova mahni chênpui chhungte ngei pawh ngaihsak lo chuan rinna an phatsan a ni, ringlo mi aiin an sual zawk,"  Bible in a ti. Chuvangin chhungkuaa rawngbawlna hi a pawimawhzia hriat chian a tul êm êm a, Pastor Bial tin hian Camping thlenga kan neih hi a tul a ni. Bible ah, "Chhuan khat an liam a, chhuan dang an lo chhuak a.."(Thuhriltu 1:4) ti a a ziak angin, tuna rawngbawltute hi an liam ang a, chhuan dang tu leh fate hnena chanchintha chi kan tuh a pawimawh.

Chhungkua a tu leh fate Isua Krista hmel kan hmuhtir theih chuan,Pastor tha te, Missionary tha te, Ram Hruaitu tha te, Doctor tha te, Officer tha te, Zirtirtu thate an lo chhuak zel ang a, kan ram chu ram duhawm tak, Krista ram leh malsawmna hnâr, tui fîm tak luanna ram a lo chang ang.
 A TLÂNGKAWMNA
"Thi tura an hruaite chu chhan la, thah mai turte chu chhan chhuak nghal rawh." Tunah hian kan ramah sualna thlipui nasa tak Cyclone a tleh mêk a, zu leh ruihtheih thil avang hian thihna chu, lui a rûlei an vuak a, sangha leh rannung te thleng an thi ang hian, thalai tam tak an thi mêk zel a, an la thi zel dâwn a, chuvangin a lungngaihthlak hle mai.


            Kristian chhungkua hi, khawvelah a pawimawh tih thupui hmanga sermon tlinglo tak a ka ziak hi, ka ziak aia tha zawkin kan rama chhungkaw chhe vek tawh te damna atan Lalpan malsawm rawh se...AMEN.

Comments










Popular posts from this blog

NIOS D.El.Ed Untrained Teacher online Registration chata Documents peimawpazy

Diploma in Elementary Education (D.El.Ed) programme is a specifically designed package for inservice untrained teachers working in primary / upper primary schools of different states of the country.

For Teacher Registration
Untrained In-Service Teacher will do the Registration.
Welcome to NIOS D.El.Ed System - Teacher Login
This section is for Teacher Only.

Mobile No. :       

Email :

Email Password :

Name of Teacher :

Father’s Name :

Mother’s Name :

Please upload Photograph with Signature :

Address:

Aadhaar no. :

DOB :

Optional Teaching : Other, Science.

School UDISE Code :

Name of school :

Type of School : Government School / Government Aided School / Unaided Private School.

Year of passing X :

Percentage Class XII :

Year of passing XII :

Are you a Graduate ?  : Yes / No

Date of Appointment :


-----------------------------------------------------


Verification by the Principal

Principal will verify the details.

Welcome to NIOS D.El.Ed System - School Register

Please enter your Schoo…

NIOS D.El.Ed Study Material

Diploma in Elementary Education (D.El.Ed) programme:

Dear Teacher,                         Login to swayam.gov.in to access the National Institute of Open Schooling (NIOS) DElEd Study Material, Audio/Video & interact with course coordinator.  Send your query to support@swayam.gov.in
To download  NIOS D.El.Ed study material, register to Free online course on Swayam by Faculties and Universities  from NIOS Official Website https://swayam.gov.in
To confirm registration online, you will receive verification code on your E-mail... as shown below.
Microsoft on behalf of SwayamOpenID <msonlineservicesteam@microsoftonline.com>

Thanks for verifying your xxxxxxxxx@gmail.com account!

Your code is: 012997

Sincerely,
SwayamOpenID 
When you are done with registration, you will be  able to access Study Material.

NIOS hnuaia D.El.Ed Scholarship

*NIOS hnuaia D.El.Ed  zir tura in register enrolment no nei te, Private-a thawk zawng2 te tana hriat tur*:  Mizoram Scholarship Board chuan D.El.Ed  private (Non-Govt.) a thawk te tan Scholarship portal ah online-a scholarship an dil ve theih na turin Mizoram Scholarship Board Secretary hnenah Pi D.Ramdinthangi, Jt.Director, SCERT & State Nodal Officer NIOS chuan dilna a thehluh hmangin hmalak mek a ni a, hemi chung chang ngaihtuah turin 20.10.2017 hian Mizoram Scholarship Board hotute an thukhawm ang. Chuvangin D.El.Ed NIOS-a in register private-a thawk zawng2 te (in-service Govt. teacher ni lo zawng te) chuan online-a dil ve an phal anih thut pawha in lo in rinlawk nan Income Certificate angai dawn tih kha in lo hre lawk bawk anga, last date hi a pangngaiah chuan naktuk 20.10.2017 (Friday) hi a ni tawh a, engpawhnise, an extend dawn leh dawn loh pawh thuchiang nghah mek ani e. Thuchiang lehzual a awm hunah kan rawn notice leh dawn nia. (Hei hi a hma atang  tawh khan zawhna leh s…