Skip to main content



Mizo Sermon - BEL VAWTU TEHKHINNA THU PAWIMAWH

Jeremia 18: 1-4

Rev.C.Thalai

LALPA atanga Jeremia hnena thu lo thleng chu: “Tho la, bêl vawtu inah kal la, chutah chuan ka thute chu ka hriattir ang che” tiin. Chutichuan bêl vawtu inah chuan kalin, bêl vuakna bialah chuan a va thawk a. “A bêl vuak lai chu a that loh chuan bêl vawtu chuan tha a tih angin bêl dangah a a vaw leh thin” tih thu hi thu awmze nei thûk tak a ni. Thinlung taka kan ngaihtuah chuan Pathian thiltithei a nihna chiang takin a lang a ni.
          Mihring hi kan duhthu a nu pum chhûng atanga lo piang kan ni lo va, kan duh huna thi leh mai tur pawh kan ni hek lo. Dam rei hi duh viau pawh ni ila, kan duhthu a mahni nunna pawtsei thei kan ni bawk lo. Chuvangin mihring chu mahni thu a mihringa in siam thei kan ni lova; chuvangin Lalpa Pathian hmanrua leh a tûl anga a hman tur mai chauh kan nihzia i theihnghilh lovang u.
LAPA Pathian chu ropui tak a ni si a; pathian dang zawng zawng chunga Lal ropui ber a ni. A kutah chuan lei hmun thûk tak takte chu awmin; A kutah chuan tlâng sâng takte chu awmin, tuifinriatte hi ama tâ an ni, a lo ti a ni. “Khawmual pawh hi a kuta siam a ni” tih thu ropui tak, Pathian kut thenthiamzia Sam 95:35 in min hrilh. A thiltihtheihna zawng zawngte chu a mak tih mai loh chu lei leh kâ a sawi sên a ni lo!
Tuifinriat chhûnga nunna nei chi hrang hrang chi tin leh khawmual (Tlâng) a chêng, nunna nei rannung chi zawng zawngte hi a tê ber atanga a lian ber thlenga han ngaihtuah hian Pathian remruatna leh thiltihtheihzia chu mak tih mai loh chu, sawi thiam rual a ni lo ve! Mak tak vek an ni.

Pathian chu khawvel leh a chhûnga thil zawng zawng siamtu a ni.
Pathian chu thil engkim siamtu a ni a, a duh chuan nang leh kei pawh hi lung leh thinga min siam theitu a ni. A duh chuan mitdel, khawvel êng hmu lova min siam theitu a ni.
A duh chuan bengngawnga min siam theitu a ni a. A duh chuan kebai leh kut bûla min siam theitu  a ni a. A duh chuan kan taksa pumin phâr ang pawhin min awmtir thei bawk a ni.
He khawvel retheih harsatna chi hrang hrang chanchin kan hriatte hian, nang leh kei hi Lalpa Pathian hnena lâwmthu sawi lo thei kan ni lo. Tunah kan thupui tanpuitu atan he hla hi kan sâwm ang.
Mi thenkhat hausate chu i ît dawn chuan
Isua chatuan thil pêk duh che ngai ve la;
Sumin an lei theih loh thil i chan fo hi
Ngaihtuah bawk la, lawmin i lo khat a ni
                    Thilthlâwnpêk ngun takin chhiar theuh la
                    Pathianin mihring a vûr thin kha
                    Malin chhiar la, nangma chan mai chu
                    Mak ti rêngin i fak phawt ang a petu.

Tunah chuan Davida’n Pathian a chawimawinate Bible atangin kan ngaithla ang.
Sam 8:3, 4 ah chuan hetiang hian: “Thla leh arsi i siamte ka ngaihtuah hian: mihring hi engnge maw a nih a i hriat reng thin ni? Ka ti thin”, lal Davida’n a tih ang hian, Lalpa Pathianin nang leh kei min hmangaihna hi theihnghilh lovin, min hre reng a ni, tih hi i theihnghilh suh ang u.

Pathian fak tlâk leh chawimawi tlâk a nihna te.
Sam ziaktu chuan hetiang hian a lo phuah a: LALPA chu a that êm avangin a hnenah lâwmthu ka sawi ang a, LALPA chungnungber hming fakin hla ka sa ang” a lo ti a ni (Sam 7:17).

Paula leh Sila rawngbâwlna.
Zanlaiah Paula leh Sila chu an tawngtai a, hla te an sa a, mi tângte chuan an ngaithla a, vawilehkhatah lîr nasa takin a lo nghîng a, Tân In lungte thlengin a nghîng a: kawngkhâr zawng zawng a lo in hawng nghal a. An khaidiat bun zawng zawngte chu a tla ta vek a” tiin Bible in min hrilh (Tirh. 16:25, 26).
Tunlai thangthar hunah hian, zaipawl tha tak takten Lalpa fak nana Music leh tingtang ri mawi tak takte nena kan rawngbawlna hla rite hian Setana saltânna thim hnuaia tângte, zu leh ruihtheih (damdawi) titute, Setanan an chhuah theih lohna atana khaidiata a hlin beh tlat te hi kan hla sak ri hian a chhuah tir thei angem? Kan hla sak te hi kan hmingthanna atana a langsâr ta zâwk a nih chuan, hmangaihna thiltihtheihna awm lovin, mimal Solo zai pawh hian awmzia a nei lovang. Tirhkoh Paula’n “Tawtawrâwt ham awmze neilo” nena a tehkhin ang chauh a ni dawn a ni. Chuvangin fîmkhur hle tur a ni (I Kor.14:8).

Zaipawl  a harsatzia ka hriat reng chu hetiang hian a ni a.
Dr.Pa-ô (L) chuan hetiang hian a sawi a: Zânah rei tak tak men a ngai a thingpui leh chhangte kan eiin kan in a, kan hun hlu tak kalsanin, hla zir nan kan hmang zo vek mai a ni. Chuvangin zaipawl tha din tur chuan man tam tak pêk a ngai” a ti. A dik hle in ka hria.

 Krista rawngbawltu apiangte hriattur.
Keimahni in ngaisânga, Lalthutthlenga kan thut lai hi Isua Krista kan ke hnuaia kan thuttir lai a lo ni thin. Keini lei hmun tlâwma kan thut lai chuan Krista chu ropuina lalthutthlengah kan thuttir lai a ni, tih hi Krista rawngbawltu leh zuitu apiangten a thu chu hriatna chauh ni lo, nun leh nungchangah lantir thei ta ila Krista ram chu a zau lehzual ngei ang.

Tunah Bible thu duhawm tak mai ilo ngaithla leh ang.
Zâwlnei Isaia hnenah Pathian thu a lo thleng a. Hetiang hian: Lalpa Pathian Thlarau chu ka chungah a awm a, ani chuan thinlung kehchhiate ti dan tur te, sal hnena chhuahna thu sawi tur leh phuara awmte hnena tânin hawnna thu sawi tur te in” tiin Pathian thu a lo thleng a. (Isaia 61:1).
Sal tângte chhuahna chanchin hi zaipawl zawng zawngte hian Paula leh Sila ang hian thlarau leh tihtakzetin sa thei ta ila, Jubilee dâr ri mawi tak chu khawvel ram tinah hian a lo thang zel ang a, Krista hmangaihna rimtui chu khawvel chhiatna ram hi vân pangpar pârna ram, lâwmna chuai theilo hmun leh ramah a lo chan tir vek thei dawn a ni. Pathian chu chatuanin fakin awm rawh se. Amen.

Pathian chu thil engkim siamtu a ni.
Pathian thil siam zinga pawimawh tak pakhat chu chhûm hi a ni. Thuthlung Hlui ah leh Thuthlung Tharah te pawh Pathianin a hmanrua atan  a hmang zel thin.
Chhûm hi chi thum a awm a, a sen te, a var te, a dum te an awm a. Pathian hian a a duh chuan nang leh kei pawh hi chhûmah min chan tir thei a. Engkim siamtu chuan amah anga mihringte min siam avang hian a hnena lâwmthu sawi reng tur kan ni tih i theihnghilh suh ang u.

Pathian thilsiam zînga mak tak tak te.
Sawi tur tam tak a awm, sawi vek sên a nih loh avangin tlêmte chauh kan târlang ang:-
U-leuh te, therengte hi tê hle mah sela an aw a tha êm êm a, anmahni hun ang zela an hau hrâm chuan lung an tilêng êm êm a ni. Pathian remruat mak tak mai chu an hrâm ri in an lantir a ni. Chuvangin hla phuahtu hian thlarau mitin a lo hmu fiah hle a. Hetiang hian:
                    Lei chunga nunna nei zawng zawng
                    Thaw thei apiangin
                    Lalpa chu an chawimawi a,
                    Aw Lal ropui tiin an zai,
a lo ti a ni. Mihring chauh hi Ama anpuia siam niin, Ama chawimawina ah erawh chuan thilsiam zawng zawngte hian Pathian chu anmahni tawng theuhvin an chawimawi vek a ni.
Mizoram Baptist Palai (aiawh) a ka kal tumin Rev. Thanzinga nen kan kal dun a, Tawipui khaw pelh hnu chuan mêl lung an siam number tin mai chu an lo ti chhe vek mai a, chutah chuan Rev.Thanzinga (L) chu mêl lung tih chhiat tinah chuan dingin, “Mihringte kan han sual dân êm êm hi chu aw! a pawi a ni” a ti a, Rev.Thanzinga nun leh nungchang ka hmuh hian zir tur tam tak neiin ka inhria.

Mihring hi khawvel tihrehawmtu kan ni.
Bible thu lo ngaithla ila, “Thilsiam zawng zawng chuan beisei takin Pathian fate lo lan hun chu nghâkhlel takin an thlîr a” tiin Bible chuan min hrilh a (Rom 8:19) en ila. Pathianin a duh taka a siamte hi kan zah tur a ni a, kan tichhe mai mai tur a ni lo.



Pathian thilsiam zingah.
Zan lama eizawng an awm a, chhûn lama eizawng an awm leh a. Pathian remruat dan hi a mak hle hlawm a ni. Sawi sen a ni lo. Hauhûk chanchin chauh lo târlang ila- kan hriat theuh angin Hauhûk hi a aw ring tak nei tura Pathian siam an ni a. An hrâm rin zia chu ramngaw thingkung atanga an nupa a an zai emaw, thu an sawi emaw, an aw chu a ring êm êm thin a; chuvangin hla tak atang pawhin an hriat theih thin a ni.
Chuvangin hla phuahtute chuan rinna lam atangin an hmufiah hle a. Hetiang hian:

1.   Aw Lal Pathian, i kutchhuak thilsiam tinreng
Dâwn chângin mak tiin ka lo khat thin
Zântiang si-ar zozai leh chung khawpui ri
I thil tih theih boruak zauva lang nen.

2.   Lêntupui leh tukram phûllêng fan changin,
Sîrva zai mawiten sâng thing tin awi e;
Khua chuan ila, tlângsâng tinrêng atangin,
Dam ten luang e, lui leh thlifîm nuamte

 alo ti a ni. A ropui takzet a ni.
Pathian hi a thil siam zawng zawng han hmuh hian, innghahna tlâk leh rin tlâk a nihna a lang chiang hle a ni.

 Tlângkawmna

Bêlvawtu tehkhinna thu pawimawh tih thupui hmanga Sermon ka rawn ziah hi, ka ziah aia tha zâwkin a chhiartu zawng zawng Lalpan malsâwm rawh se. Amen.

Comments










Popular posts from this blog

NIOS D.El.Ed Untrained Teacher online Registration chata Documents peimawpazy

Diploma in Elementary Education (D.El.Ed) programme is a specifically designed package for inservice untrained teachers working in primary / upper primary schools of different states of the country.

For Teacher Registration
Untrained In-Service Teacher will do the Registration.
Welcome to NIOS D.El.Ed System - Teacher Login
This section is for Teacher Only.

Mobile No. :       

Email :

Email Password :

Name of Teacher :

Father’s Name :

Mother’s Name :

Please upload Photograph with Signature :

Address:

Aadhaar no. :

DOB :

Optional Teaching : Other, Science.

School UDISE Code :

Name of school :

Type of School : Government School / Government Aided School / Unaided Private School.

Year of passing X :

Percentage Class XII :

Year of passing XII :

Are you a Graduate ?  : Yes / No

Date of Appointment :


-----------------------------------------------------


Verification by the Principal

Principal will verify the details.

Welcome to NIOS D.El.Ed System - School Register

Please enter your Schoo…

NIOS D.El.Ed Study Material

Diploma in Elementary Education (D.El.Ed) programme:

Dear Teacher,                         Login to swayam.gov.in to access the National Institute of Open Schooling (NIOS) DElEd Study Material, Audio/Video & interact with course coordinator.  Send your query to support@swayam.gov.in
To download  NIOS D.El.Ed study material, register to Free online course on Swayam by Faculties and Universities  from NIOS Official Website https://swayam.gov.in
To confirm registration online, you will receive verification code on your E-mail... as shown below.
Microsoft on behalf of SwayamOpenID <msonlineservicesteam@microsoftonline.com>

Thanks for verifying your xxxxxxxxx@gmail.com account!

Your code is: 012997

Sincerely,
SwayamOpenID 
When you are done with registration, you will be  able to access Study Material.

NIOS hnuaia D.El.Ed Scholarship

*NIOS hnuaia D.El.Ed  zir tura in register enrolment no nei te, Private-a thawk zawng2 te tana hriat tur*:  Mizoram Scholarship Board chuan D.El.Ed  private (Non-Govt.) a thawk te tan Scholarship portal ah online-a scholarship an dil ve theih na turin Mizoram Scholarship Board Secretary hnenah Pi D.Ramdinthangi, Jt.Director, SCERT & State Nodal Officer NIOS chuan dilna a thehluh hmangin hmalak mek a ni a, hemi chung chang ngaihtuah turin 20.10.2017 hian Mizoram Scholarship Board hotute an thukhawm ang. Chuvangin D.El.Ed NIOS-a in register private-a thawk zawng2 te (in-service Govt. teacher ni lo zawng te) chuan online-a dil ve an phal anih thut pawha in lo in rinlawk nan Income Certificate angai dawn tih kha in lo hre lawk bawk anga, last date hi a pangngaiah chuan naktuk 20.10.2017 (Friday) hi a ni tawh a, engpawhnise, an extend dawn leh dawn loh pawh thuchiang nghah mek ani e. Thuchiang lehzual a awm hunah kan rawn notice leh dawn nia. (Hei hi a hma atang  tawh khan zawhna leh s…