Skip to main content



MEIZIAL ZÛK THAT LOHZIA


Rev. C.Thalai

A hmasa in meizial ngawl veina bawih ata ka zalên dan (Testimony) ka han hrilh phawt ang che u.
Pastor hna ka thawh hma atangin meizial hi tui ka tiin ka heh êm êm tawh a, Burma rama kum 20 teh meuh Pastor hna ka thawh chhûng khan, Burma Mara te chu an tlâwmngaiin, Pastor te phei chu a bîkin min duat thiem hle thin a. Thalai hovin ka duhzawng chu hria un, meizial chu ipte khat khat hian min pe ta thin a, chungte chu reilote ah ka zu zo leh mai thin bawk a.
Chaw ei khama ka tih hmasak ber chu mei zûk hi a ni. Hun a kal zel a, ka duhna chu a zual zel bawk a. Zan ka mut hmunahte hial pawh ka zu ka zu zel tawh mai a ni. Meizial hian dâwt hial pawh min sawi tir thei zuk nia! Ka nupui duh tak Pawly nu (S.Ngôdo) in, “Engnge i tih?” min ti a, “Ka lêng” tiin ka chhâng mai thin a, meizial avanga khaw lû leh khaw mawng ka fan chhuah vek tum pawhin, “Thil pawimawhah ka lêng” tiin ka chhâng mai thin. Bible chuan, “Pâwnah chuan Ui te, dawithiamte, in ngaih chîng te, tual that te, milem bia te, dâwt ngaina leh dâwt hmang apiangte chu an awm a” tiin min hrilh a ni.
Meizial bawiha ka tân lai chuan ka duh dan angin ka awm thei lo va, keimahah thu a nei lian hle a, Biak Inah hial pawh ka chungah thu a nei a ni. Biak Ina ka luh hmaa ka zûk zawh hman loh chu palah ka zep a, inkâwm bân veleh ka chhuak a, pala ka zial zeh chu ka la thuai a, ka zu leh mai thin. Hei chauh a ni nem, Vaihlo a vân hunlai phei chuan khawlaia zial bung sei deuh ka hmuh chuan min hmu tu an awm lo ni a ka hriat veleh ka chhar thuai a, ka zu mai thin zuk nia! Matu (Khumi) ten opium an zu a, an ei b awk a, an nupui leh an fate an theihnghilh mai thin ang hian meizial hian min tibuai ve a ni. Kei tluka meizial duh mihring hi an tamin ka ring lo.
Ka naupan têt atanga ka lo zûk  tawh avangin ka tân bânsan mai theih a ni tawh lo; ka taksa leh ka thisen zâmah bû a lo khuar nghehtawh êm vang a ni. Hei hian naupan lai hun pawimawhzia min hriat chhuahtîr hle.
Hmanlai Israelte pawh kha Aigupta bawiha kum tam tak an tân hnuah, Tuipui Sen an thleng a, Pathianin thil ropui tak chhandamna hna a rawnthawh hma lawkin, Aigupta sipaiten an lo ûm a, an thâwm ri nasa tak an hriat chuan hlau leh khûrin Mosia chu an chhuah chhâl a; “Aiguptaa kîr lehin, Aigupta mite rawng bâwl leh ila a tha zâwk ang” an ti ang mai khan keini pawh zu te, kuhva te, zûk leh hmuamte kan insûm a, mahse reiloteah kan ti leh mai thin. “Tun hi hun lâwmawm a ni a, tun hi chhandamna ni chu a ni” tiin Lalpan min sâwm mêk a ni (2Kor.6:2). I hun hlu takin a liampui hma che hian i thil chîn thalote bânsanin, zûk leh hmuam bawi ata chhuak turin Lalpan a duh che a ni.
Zial zûk ka insûm theihlohzia ka han sawi leh teh ang; Lunglei (Serkawn) ah te, Aizawl ah te Missionary te hnuaiah Pathian thu ka lo zir ve tawh thin a, chuta kan hotuten zial zûk thatlohzia heti hian min hrilh thin, “Min tlawh turin India ram atangin kan hotute an lo thleng thin a, an mit hmuha zial lo zûk mai mai te hi thil mawi a ni lo, Pathian thu zir mi in ni bawk si a” tiin. Mahse, chu’ng an thusawite chuan ka rilru a hneh lo hle a. Kan hotute hmuh laiin ka zu lo va, an hmuh lohvah ka zu  tho thin a, “Kei lo pawh Pastor mei zû an awm ve tho alawm” tiin thiam ka in chantîr thin.
Vawi khat chu Kristian Tlangau bu ah Pastor pakhatin zial zûk thatlohzia Tirhkoh Paula thusawi, ‘Tuma bawih ni mah suh ila, mi tam lehzual ka lâk lih theihna turin mi zawng zawng bawihah ka insiam a” (1 Kor.9:19) tih thu hmanga a ziak chu ka chhiar a, chu chuan ka thinlung a hneh êm êm a, ka zial zûk pawh chu ni hnih/ ni thum chhûngvel chu ka han sim ve rên râwn a. Nimahsela ka insûm zo leh ta ngang lova, ka zu tam ta tulh tulh mai a! Ni danga ka zûk thin zât kha a lêtin a sâng ta dâwrh mai a. Sim ve ting tang si a, tih leh si chu a aia chhiat lehzualna a ni.
Zial zûk ka sim theihna chhan: Chhuarlung KTP ten Camping an buatsaih a, chutah chuan Speaker atan min sâwm a, Middle School-a Counselling kan neih mêk laiin ka thinlungah zawhna pawimawh tak a lo lût a, thupui kan sawi tur chu Chhandamna chungchâng a ni dawn a, khawvelin a mamawh chu Isua Krista a ni. Isua Krista he khawvela a lo kal chhan chu misualte chhandam turin a ni. Hmangaihna avanga Vân Angelte lef Serafim ten an faknin theih loh kan Lal Isua, Vân khawpui mawi kalsan a, Bethlehem ran chaw pêkna thlênga tlâwm taka mi chu kan thinlungah a lo lang a, chu chuan ka thinlung chu mei angin a kâng ni berin ka hria.
Kan Lal Isuan lunghlu chi tinrênga cheimawi Vânkhawpui kalsan a, Bethleham hmun tlâwm ber a rawn thlanna hian ka thinling chu ti tuiral zo ta a, ‘Keihian engnge ka kalsan ve ang aw?’ tih zawhna a lo lût leh a. ‘Ka thil duh ber chu vaihlozial hi a ni a, vawiin atang chuan ka thil duh ber vaihlozial hi ka kalsan dawn a ni’ ti a thutlûkna ka siam lai chuan ka thinlung chu a lum pup pup hian kan hria a. Chu ka thutlûkna chu hruaitute hnena sawi ka châk hle a, mahse sawi ngam lohna chhan pahnih ka nei- a pakhatna ah chuan Pathian hnena ka la inhlan loh avangin. A pahnihna ah chuan zial zûk sim tura min duhsak êm êm tu ka nupui S.Ngôdo (L) ka la hrilh loh avangin.
Tichuan inah ka haw a, ka nupui duh tak ,Ngôdo (L) hnenah chuan ka thil tawn te chu k ahrilh a, a lo lâwm êm êm a, kan nupa in thingthi in Pathian hmaah lâwmthu sawiin kan inhlân a. Chumi ni atang chuan meizial bawihata chu Lalpan min zalentir ta! Lalpa kan Pathian chu fakin awm rawh se.
Thuchah: Zial zûk thatlohzia hi ka lo tawn hriat tawh a nih avangin ka hre chiang hle. Kawng chhovah châwl lovin reilotê pawh ka kal thei lo, ka thaw a chhawm dawn zel a, ka chaw ei leh tui in a tui thei tawh lo va, ka khuh hreuh hreuh va, ka taksa pawh a chêr hle. Zial zûk kha sim lo ta ni ila, he thu ziak tur hian ka dan tawh hauh livang a, ka thi daih tawh ngei ang. Chhûnngte bula rei tak dam i duh chuan zial zûk bânsan nghal ang che.
Doctor ho lehkhaziak ka chhiarah chuan hetianghia a in ziak a: ‘Zial zû te chiana khu an hîp a, an kaw chhûngah a lût a, chu chuan TB leh Cancer natna te a thlen thin’ an ti. Vaihlo khu thiltihtheihzia chu rap nen an tehkhin thin bawk. Rap chu mei khu in a ur thin a, tichuan, rap chunglam zawng zawng chu a ur dum vek thin a ni. A râpthlâk hle mai.
Bible in, ‘A nih leh in taksa chu in chhûnga awm Pathian hnen atanga in hmuh Thlarau Thianghlim In a ni tih in hre lovem ni le? Mahni ta pawh in ni tawh lova, man a lei in ni asin, chuvangin in  taksa ah chuan Pathian chawimawi rawh u” (1Kor. 6:19-20).

‘Mei zûk thatloh zia’ tih thupui hmanga sermon ka  rawn ziah hi, zial zûkna bawih a tângte chhanchhuah nan, ka ziak aia tha zâwkin Lalpan malsâwm rawh se. Amen.

Comments










Popular posts from this blog

NIOS D.El.Ed Untrained Teacher online Registration chata Documents peimawpazy

Diploma in Elementary Education (D.El.Ed) programme is a specifically designed package for inservice untrained teachers working in primary / upper primary schools of different states of the country.

For Teacher Registration
Untrained In-Service Teacher will do the Registration.
Welcome to NIOS D.El.Ed System - Teacher Login
This section is for Teacher Only.

Mobile No. :       

Email :

Email Password :

Name of Teacher :

Father’s Name :

Mother’s Name :

Please upload Photograph with Signature :

Address:

Aadhaar no. :

DOB :

Optional Teaching : Other, Science.

School UDISE Code :

Name of school :

Type of School : Government School / Government Aided School / Unaided Private School.

Year of passing X :

Percentage Class XII :

Year of passing XII :

Are you a Graduate ?  : Yes / No

Date of Appointment :


-----------------------------------------------------


Verification by the Principal

Principal will verify the details.

Welcome to NIOS D.El.Ed System - School Register

Please enter your Schoo…

ABeipa châta chyhsa rônahpazy thâtih

Rev. C. Thalai

Spurgeon zy, D.L. Moody zy, Billy Graham zy he ama hawsaih no tawhta ama nô nawhzy ta Khazohpa bie, thlahpa lâ sâhpiti ama vaw mohôhpa nata palaiseihsapazy ama châ. Chavâta Khazohpa bie cha ama thlahpa pati châta ama vaw nie hawpa a châ. Atahmâ Bible bie tawhta eima nahthlie tua aw. “Hawsaih a pih thiehpazy hawhta Thlahpa lâ sâhpiti, khâpa hmah ahlao leipa cha vâ teh u, chaliana chata pachhana tlohna taihta nama laiseih thei n’awpa ta” ( 1 Pity 2:2) he bie he ama thisaih liata ama vaw laiseihkhei hawpa a châ             D.L. Moody cha my chareih ta dawh 4 ta thyu ta, dawh 1 chhôh Bible rei n’awpa ta a daihti a hmâh tua chai tyh tahpa a châ. Spurgeon cha Bible ei 100 a reih papuapa châ ta, ei zakha a reih papuapa cha, “A thiehpa hawh sai ta ei nie tyh” tahpa ta a reih. Richard Wurmbrand ta he hawhta bie rônah ngaitapa a reih hra. “Krizyhpa châ na ta, chakaotuhpa chhao châ na ta atah tlôh ta, rietheina, rairuna atyh beih leipa chyhsa cha chyhsa vâdua chaipa nata ngiachhi a…

Mizo Sermon Thar - KHAWVELAH KRISTIAN CHHUNGKUA A PAWIMAWH

(Thufingte 24:11,12)
Thi tura hruaite chu chhan la, thah mai turte chu chhan chhuak thuai rawh.
Rev.C.Thalai __________________________________________________________________
Tunlai khawvelin a buaipui ber chu Zu leh ruihtheih (drugs) hmangin Setana a alo inrawlh a, chuvangin thalai sâng tam tak nitin leh thla tin thihna thlân khûr lamah an liam zo tawh a. Khawvelah an lo kîr leh thei tawh lovang. Tunlai hun hi hmanlaia Aigupta rama fa tir lalthuthlenga thu Pharoa fa tir atanga bawihnu fa tir thlenga an thi (Exodus 11:5-6), ang mai khan tunlaiah chhungkuaah fa u ber atanga fa naupang ber thlengin anmahni duhzawngin an awm vek tawh a. Chuvangin chhungkaw tam tak chu lungngaihna chhûmpui thimin a khuh mek a nih hi. Tunah Bible thu i lo ngaithla ang. "Kan tukverhahte thihna lâwn lûtin, kan lal inahte a lût tawh si a; Pâwn atangin naupang tibo tur leh, khawlai ata tlangvâl tibo turin."(Jer.9:27) ti a zawlnei Jeremian a lo sawi kha tunah hian a lo thleng ta a nih hi. Zu leh ruitheih av…