Skip to main content



Mara Reih Sermon - THLAHPA SÂHPITI EIMÂ NGIAH THLARAU HNUTE KAN NGAI

1 Pity 2: 2/ I Peter 2:2
Rev. C. Thalai

Hawsai a pithipazy hawhta thlahpa lâ sâhpiti khâpahmâh pahlao leipa cha vâ teh u, cha liana chata pachhana tlona taihta nama laiseih thei nawpa ta.”
Nausên piang tharte angin Thlarau lam hnutê engmah pawlh loh chu châk rawh u,chu miah chuan chhandamna tling khawpa in than len theih nan.

Thlahpa sâhpiti cha Khazohpa bie Beihrai he a châ:Thlarau hnutêtui chu Pathian thu Bible hi a ni:
Chyhsapa châta peimawh chaipa miakha cha nie nata do kyh he a châ. Anodeikua cha nie do kyh liata asohsi awpa a byuhpa a châ. Eima aoh khopa hawh saita nie-do thlâh ha mawh si la, eima sapa châ ta pha leipa aw ta, eima hrona chhao pareih aw vei.
Mihring tana pawimawh ber ber pakhat chu ei leh in kawng hi a ni a. Nimahsela chu ei leh in kawnga****
Eima pahno chyupa hawhta thyutlia hluhpi ama thina chhâpa cha sahhma nata paritheipa drugs-zy nie ei ta, ama taopa vâta thina thlâkhaoh lâ ama ngia lymâ hawpa a châ. Ngiachhi ama chhi kawna tah deileipa ta cha reipa y vei.
Bible a pasôtuhpa a mopâ tlâh a châpa cha Mary Jones, Welsh râh liata chanô thyudyupa kôhrawhleipangawh (15) pa heta Bible a hnei thei nawpa ta kôcharu (6) chhôh rietheina hluhpi siepahliepa ta Bible a hnei theipa a châ. Bible Society a vaw pina chhâpa chhao he Mary Jones vâta chyhsa rietheipa nata chyhsa tota Bible eima hneitheipa a châ. Mary Jones ta Bible bie a kho chaipa chhao he Hlazy 119:1- 176 chhôh zydua he Mary Jones bievaopa ama tahpa a châ. A rôhna ngâsâ. A bievaopazy cha a tlâpipa ta hezy he a châ.
Na ryhpa bie he ei pasô kaw dia! Noh-yta ei pachâ tyh” (châh 97).
Na biezy he ei pakah châta kheihti hlâta a thlôh via!” (châh 103).
Na bie he ei pheizy châna heta Meiô châ ta, ei lâpi châta khaihna a châ.” (105).
Na ryhpa bie a pasôtuhpazy châta thlahlôhna thata hnei ei ta, paona rai hnei vei ei.” (165).
Biehrai a pasôtuh penawhzy he Krista liata chyhsa rôhnapa sai ama châ lymâ. Charles spurgeon-zy, DL. Moody zy. Billy Graham zy he Krista liata chyhsa rôhnahpa sai ama châ. He nawhnazy he ama manôh nawhzy ta Khazohpa bie cha ama sâhpiti liata ama vaw pasa hâpazy ama châ.

Bible hmotaotheizi:
England Abeinô Elizabeth chhao khata he hawhta a reih, “England rôhna na chhâpa cha Bible hena a châ.” tahpa ta a reih. America President sâsarina (7) na, Andrew Johnson chhaota he hawhta a reih hra. “Bible he eima râh a pahniena lôpanô a châ. Chadei châleipa ta Bible he America chhopasiana châ ta, State to liata bie a hneituh chaipa a châ.” a tah. Chavâta ama tâkâ lia chhaota he hawhta ama roh “Khazohpa liata eima ngiapana eima pahnieh.” In God we trust tahpa ta.
Bible cha chhôhkha thatlôna bie paru a châ.
Zawsua 1:8 “He ryhpa châbu heta na pakah cha puasai chachei kha se. Cha bie ropa zydua cha khâchâ na zyh thei nawpa ta chhô nata zâ ta tlao na pachâ awpa a châ. Chatanachata na lâpizy cha patlâ lymâ aw ta, thlao chhipa ta na y aw.” tahpa Abeipa Khazohpa ta bie a piepa a zyh hawhpa vâta keima nata ei chhôhkha ta la Abeipa na eima chakao aw tahpa bie rôhna ngâsâpa a vaw rei thei hawpa a châ. Keimo chhao Zawsua hawhta eima chhôhkha ta Abeipa eima chakao thei hrama? Zawsua he chhôhkha chakaona kyh liata phopizy amopa tlâh a châpa chyhsa rôhnapa a châ. (Zawsua 24: 15)

Khazohpa bie hmotaotheizi
Hebrai 4: 12. “Khazohpa bie he hrohta, hmotaothei ta, zaozi koh nata hâh atiah rairiepa hlâ chhaota tiah ta, hrona nata thlahpa, ru nata lathli pachhaih thei taihta chhô thei ta, pathipalôh liata pachâna nata a chhuahpazy he thlai a pahno thei.” tahpa ta Bible ta maniah a chho.
Atahmâ Hrohsopa Zeremia hnohta Abeipa bie vaw tlôpa eima nathlie heih tua aw.
“Ei bie cha mei a cha. ……………… (Zer 23: 29)
Aizawl liata Khazohpa bie ei chu nota Pastor Liangkhaia o lâ va charei tyh na ta, Maisâh suthôh hnei ta, ama o ei chareina maih liata Bible sai reih ngâthlâh ha tyhta, “Papu nama o lâ ei khyna maihta Bible sai duamaw na reih ngâthlâh ha tyh.” tah nata, he hawhta eina chhy, “Khazohpa nata eima pakyh nga kaw. Bible chhôh liana heta Khazohpa palôhrupa a y khai haw.” tahpa ta Pastor Liangkhaia bie reina tawhna heta Bible a sô zie nata peimawh zie a tha ta eina pahnosa.
Mawsi biehrawh pipa 2 na a lana kyh.
Mawsi cha biehrawh piepa a lana eino na liana khata noh 40 nata zâ 40 yta, pati rai rai nie leipa ta, ti chhao doh hra vei. Chatawhcha a lô phiapa lianazy cha ta biehraina, biehraw piepazy cha roh hra ta, mawsi cha alôphiapa miano cha a kuta chabapa ta SINAI TLÂH tawhta za chô ta, a hmia vo cha avaw khaih haw tahpa a pahno leipa ta, Arawna nata Izarel pathla zydua ta Mawsi amah moh nata ahmia vo cha vaw khaih ta,â hnia ngâh leipa ei ta, tahpa ta Bible ta maniah a chho. Puasaina 34: 29 – 35.
Mawsi hmia a khaihna yzi cha noh 40 nata zâ 40 Khazohpa nata ama kao khoh hawpa vâta Khazohpa hawhta pathaihna a hnei hawpa a châ. Vâ mo amâ zâ luahna maih liata alei mota a vâ cha moh ngâh vei ei. Tahpa Bible su hluhpi liata hmôpa a y hôlô.

Khazohpa bie a piemawhna zie cha Hla a taotuhpazy heta ama vaw hmô pasia ngâsâ.
1.     Khazohpa Châbu ei ngiapa,
Biehmeiseihpa maniah chho;
Vâ lâthloh hmeiseih chaipa châ,
Vârâh kia thei n’awpa.
Hy Bible, hy Bible,
Ei Pasô kho chaipa cha;
Hy Bible, hy Bible,
Khazohpa Châbu he.
3.     Zisu Bible bie a pha,
Khazoh hmosai piepa cha;
Thi tawh thyuheihna bie a reih,
Hrona bie sôh chaipa.
Ama vaw tahpa a châ. Â do hmeiseih a lypa a châ ngâsâ.

Kyhchhi hruana Thlahpa pati:
Bible tawhta hruana ao khochhihpa eima nathlie tua aw. Isai 55:1 “Hy dâhphipa saih u, tizy lâna heta â vy teh u; tâkâ ahnei leipazy chhao a vy ula, chalei ula, nie teh u! A vy ula, kresawti nata sâhpiti amâ leipa ta chalei teh u.” tahpa ta maniah a hrua ngâ hai.

Kyhchhi rôhnah chaipa nata Zisu Bie reipa:
Zawhana 7: 37 “Kyhchhi chhâna noh, noh rôhna chaipa liana chata  Zisu a dua aw ta, “Ahyrai a dâh a phi khiahtala kei lâ a vy sala, Ahyrai na ngiapâpa cha doh mawh sy, Khazohpa châ bie reipa hawhta, ‘Ti hropa a chhôh tawhta a vaw loh awh.” tahpa ta bie rôhna ngâsâpa a reih.

Zisu Krista cha chhâzaw hrona tikhao a châ:
Samari chanô moleipa hnohta Zisu ta bie rôhna ngâsâpa a reih. “Ahyrai he ti a dohpa maih a dâh a phi heih aw, ahyrai a hnohta ti ei pie awpa ti a dohpa maih deikua cha a dâhphi khao aw vei; kei ta a hnohta ti ei pie awpa cha, a chhôh liata tihnawh y aw ta, chhâzaw hrona taihta a kaw pali aw.” tahpa bie rôhnah ngaita pa a reih. Zawhana 4: 13-14)




Thlahpa sâhpiti cha moto châ ta a châ:
(Biephua 22: 17) “Thlahpa nata myuhthi chata, “A vy the,” tah ei ta. A theipa maihta, “A vy teh,” tah ei se. A dâh  phipa maih a vy se; a khohpa maihta hrona ti he a saipa ta la se.” tahpa ta thlahpa ta maniah a hrua.
He hla he eima biepipa baotuhpa châta a châ aw.
1.     He liata hrona ti a loh,
Kalvari tawh vaw puapa;
Chyhsa tlâh n’awpa ta a loh,
Ahyrai doh khohpa maih;
Nâ, Idâh pasana veipa,
Avy la, doh para teh;
Kalvari pasohpa kha,
Na palôh lia a loh aw.

2.     He ti he khâ a thei thlâh la,
Chyhsa pahnosa hra teh;
“Ahy rai a dohpa maih cha;
A tlâh cheingei aw,” tah la,
Zisu rôhnahna a châ aw,
Vâmo pathaihpazy chhao;
Ly hla ama sakhei hra aw,
Ei paw, Khazoh hmia liata.

3.     He tawhna he chhâzaw taihta,
He hrona ti he  a loh;
Thyuheih sawzy a ti pathaih,
Chhâzaw ta ama doh aw;
Mietakutaw hrona pathaih,
Pachhapa pasa aw ei;
Idâh paroh y khao aw vei,
Hro thiehpa ta charei ei.

Thlahpa sâhpiti eima ngiah” tahpa biepipa hmâpa ta sermon ei ropa he ei ropa hlâta a pha via syulyupa ta a reituhpa zydua chô liata Abeipa ta byhnâ pie mawh sy. Amen.


Comments










Popular posts from this blog

NIOS D.El.Ed Untrained Teacher online Registration chata Documents peimawpazy

Diploma in Elementary Education (D.El.Ed) programme is a specifically designed package for inservice untrained teachers working in primary / upper primary schools of different states of the country.

For Teacher Registration
Untrained In-Service Teacher will do the Registration.
Welcome to NIOS D.El.Ed System - Teacher Login
This section is for Teacher Only.

Mobile No. :       

Email :

Email Password :

Name of Teacher :

Father’s Name :

Mother’s Name :

Please upload Photograph with Signature :

Address:

Aadhaar no. :

DOB :

Optional Teaching : Other, Science.

School UDISE Code :

Name of school :

Type of School : Government School / Government Aided School / Unaided Private School.

Year of passing X :

Percentage Class XII :

Year of passing XII :

Are you a Graduate ?  : Yes / No

Date of Appointment :


-----------------------------------------------------


Verification by the Principal

Principal will verify the details.

Welcome to NIOS D.El.Ed System - School Register

Please enter your Schoo…

ABeipa châta chyhsa rônahpazy thâtih

Rev. C. Thalai

Spurgeon zy, D.L. Moody zy, Billy Graham zy he ama hawsaih no tawhta ama nô nawhzy ta Khazohpa bie, thlahpa lâ sâhpiti ama vaw mohôhpa nata palaiseihsapazy ama châ. Chavâta Khazohpa bie cha ama thlahpa pati châta ama vaw nie hawpa a châ. Atahmâ Bible bie tawhta eima nahthlie tua aw. “Hawsaih a pih thiehpazy hawhta Thlahpa lâ sâhpiti, khâpa hmah ahlao leipa cha vâ teh u, chaliana chata pachhana tlohna taihta nama laiseih thei n’awpa ta” ( 1 Pity 2:2) he bie he ama thisaih liata ama vaw laiseihkhei hawpa a châ             D.L. Moody cha my chareih ta dawh 4 ta thyu ta, dawh 1 chhôh Bible rei n’awpa ta a daihti a hmâh tua chai tyh tahpa a châ. Spurgeon cha Bible ei 100 a reih papuapa châ ta, ei zakha a reih papuapa cha, “A thiehpa hawh sai ta ei nie tyh” tahpa ta a reih. Richard Wurmbrand ta he hawhta bie rônah ngaitapa a reih hra. “Krizyhpa châ na ta, chakaotuhpa chhao châ na ta atah tlôh ta, rietheina, rairuna atyh beih leipa chyhsa cha chyhsa vâdua chaipa nata ngiachhi a…

Mizo Sermon Thar - KHAWVELAH KRISTIAN CHHUNGKUA A PAWIMAWH

(Thufingte 24:11,12)
Thi tura hruaite chu chhan la, thah mai turte chu chhan chhuak thuai rawh.
Rev.C.Thalai __________________________________________________________________
Tunlai khawvelin a buaipui ber chu Zu leh ruihtheih (drugs) hmangin Setana a alo inrawlh a, chuvangin thalai sâng tam tak nitin leh thla tin thihna thlân khûr lamah an liam zo tawh a. Khawvelah an lo kîr leh thei tawh lovang. Tunlai hun hi hmanlaia Aigupta rama fa tir lalthuthlenga thu Pharoa fa tir atanga bawihnu fa tir thlenga an thi (Exodus 11:5-6), ang mai khan tunlaiah chhungkuaah fa u ber atanga fa naupang ber thlengin anmahni duhzawngin an awm vek tawh a. Chuvangin chhungkaw tam tak chu lungngaihna chhûmpui thimin a khuh mek a nih hi. Tunah Bible thu i lo ngaithla ang. "Kan tukverhahte thihna lâwn lûtin, kan lal inahte a lût tawh si a; Pâwn atangin naupang tibo tur leh, khawlai ata tlangvâl tibo turin."(Jer.9:27) ti a zawlnei Jeremian a lo sawi kha tunah hian a lo thleng ta a nih hi. Zu leh ruitheih av…