Important Announcement:   Mara Autonomous District Council liata Education Department moh ta chibai ei cha bu. Abeipa chhithana vata Mara Rah tawhta Rah khothola ta châ a chupazy hlu kaw bâ ei chita, eima ly kaw. Anodeikua cha Member pakhazie zy tlaima nama cha? Ahyzyma nama châ? Khatai khih tawhta a siepa zy ma nama cha? Khapa School/ College/ University lia zy ma nama chu? tahpa record eima hnei leipa vata chapahno thei tlâ mapi. He he eima vaw pacha nata pei eima tah ngaita kaw. Chavata, Mara Autonomous District Council Education Department Officer Committee ta Record hnei awpa apha tah pita, STUDENT CO-ORDINATION CENTRE, Dt. 14th Oct’2008 pata MADC Office liata eima pahy haw. He Centre liata Record avao awpa abyu hapa vata he Statistical Report Form eima taopa hawhna heta Report mia vaw pie thei ula tahpa eima cha hawh. He Student Co-Ordination heta MSO Member ngalah pahly leipata, Mara rah (MADC Area) tawhta District Khôthola ta, Primary tawhta University taihta Achuhaipa zydua apahly. Chavanachata, Statistical Report Form MSO Member acha leipa zy Pahlypa thei awpata nama pachhuahpanoh awpata eima cha haw. Report Form he 15th Jan, 2009 hlata he ary liata Address palasapa liana heta, (Internet/Fax/By Post/By hand) arypaona dah hawhta vaw paphao thei ula tahpa eima cha haw. Click here for Address and more detail.

Gospel Outreach Ministry Music Album Monday nohta release aw

Saturday, August 9, 2008 9:16 pm posted by Admin (104 views)

Gospel Outreach Ministry Music Album cha Monday,August 11, 2008 nohta ama release aw. New Colony Local Church Centenary Hall liata 7:00Pm pata ama release aw. Gospel Outreach Ministry Music Album he Audio nata Video ta taopa a châ.

Album moh “Reithaina Byhnazy” 3rd Album nawpa a châ.

Gospel Outreach Ministry Music Album he Macha Pachi Hlychho ta a release aw.

He Gospel Outreach Ministry Music Album release na programme lia heta E.C.M Choir, Baptist Church Of Mizoram, Bethel Male Voice nata Meisa vaih K.T.P Choir nazy ama hlao aw. Laihsa T.Samari Meisa vaih chhao Solo na ahnei hra aw.

Music Album review-na hnei awpa ta Khichho Macha F.C.Johana, Tipa V raopa a cha.

Master of Ceremony cha awpa ta Puhpa Chhuakhu Khithi Gospel Outreach Ministry Advisor raopa a cha.

Benediction : Rev.Ch.Chhama, Senior Executive Secretary,E.C.M.

Gospel Outreach Ministry Music Album chôchâh liata detail viapa ta apahno khohpa chata E-mail liata detail a hiahhri thei. E-mail: gom_siaha@yahoo.co.in




This entry was posted on Saturday, August 9th, 2008 at 9:16 pm and is filed under Mara News. You can follow any responses to this entry through the RSS 2.0 feed. You can leave a response, or trackback from your own site.

Post Comment

Guidelines: Please keep your comments smart and constructive. Don't attack other readers personally and keep your language decent.

Marasaw.com will not publish anything which is defamatory or offensive. Email admin@marasaw.com to complain about any comments.








Google