Siaha, Lytai nata Kolasib District lia Sahphâ asaipata ama raih
Saturday, July 5, 2008 14:1 PM. Posted by Marasaw.com (93 views)Siaha, Lytai nata Kolasib District liata thlakha liata Phusa thykha (Sing kha) ala papua thei lei penaw hnota Sahphâ asaipata ama raih.
Mizo version taken from zonet.in
Saiha, Lawngtlai leh Kolasib District-ah a thlawnin buhfai sem tan a ni
Saiha, Lawngtlai leh Kolasib District-ah vawiin atang khan thla khata cheng sing 1 la lut tling lo chhungkuate hnenah a thlawnin buhfai sem tan a ni. DC leh DCSO te hnen atanga kan Corr. thu dawn danin, heng District-ah te hian Ration Card-a an buhfai lak theih zat hi Retailer-te hnen atanga sem chhuah a ni. Hetih lai hian Aizawl East District-ah pawh BPL leh AAY chhungkuate chu a thlawna sem tawh an ni a, Aizawl East leh Aizawl West District ah-te hian APL mi, thla 1-a cheng sing 1 la lut phak lo chhungkuate chu tunah hian thliar fel mek a ni a, DCSO-te hnen atanga thu dawn danin, he hna hi kar leh khian zawh fel a ni ang a, an chan tur buhfai pawh kar leh khian sem hman tum a ni. Serchhip District-ah chuan khaw awm zawng zawng, khaw 42-ah thla khata cheng sing khat la lut lo chhungkua-te hnenah naktuk atangin a thlawnin ration buhfai pek tum a ni a, Serchhip DC Pu H Darzika hnen atanga thu dawn danin a thlawna buhfai dawng tur chhungkuate hi an vaiin sing 1 sang 1 leh 304 an ni a, heng zinga 2,482 te chu BPL chhungkua an ni a, 1,914 chu AAY chhungkua an ni a, a bak 6,908 te chu APL chhungkua, thla 1 a cheng sing 1 la lut pha lo an ni. Kar 1-a an buhfai lak zat tur hi puitling tan kg 3, naupang tan kg 1 leh a chanve a ni ang a, Ration Card nei chhungkaw hnenah chauh pek theih a ni ang. Hetih lai hian, Champhai leh Mamit District-ah te pawh chin fel ngai chin fel mek a ni a, kar lehah sem theih an tum tih Zonet Correspondent an hrilh a ni.
